Varianti i ri i virusit ‘pushton’ Britaninë e Madhe, kryeministri Johnson jep lajmin e keq

Varianti i ri i k oronavirusit që u shfaq në Britaninë e Madhe mund të jetë më vdekjeprurës.

Këtë gjë e ka deklaruar së fundmi dhe kryeministri Boris Johnson.

Të dhënat janë vlerësuar nga shkencëtarët të cilët kanë informuar qeverinë.

Por sidoqoftë të gjitha provat mbeten në një fazë paraprake.

Studimet kanë treguar tashmë se ky variant mund të përhapet më lehtë sesa versioni tjetër i virusit.

Varianti i ri u zbulua për herë të parë në Kent në shtator. Që atëherë është bërë versioni mbizotërues i virusit në Angli dhe Irlandën e Veriut dhe është përhapur në më shumë se 50 vende të tjera.

Johnson tha: “Përveç përhapjes më shpejt, tani duket se ka disa prova se varianti i ri, varianti që u identifikua për herë të parë në Londër dhe në jug-lindje, mund të shoqërohet me një shkallë më të lartë të vdekshmërisë.”