Varianti i ri i virusit ‘gjunjëzon’ Anglinë/ Boris Johnson merr vendimin drastik: Ja ç’do të ndodhë deri në shkurt

Varianti i ri i k oronavirusit dhe shifrat shqetësuese të të infektuarve që ka shkaktuar ky mutacion, ka bërë që Anglia të hyjë në një izolim më të thelle se marsin e vitit të kaluar.

Sipas Daily Mail, vendimi drastik u bë i ditur nga kryeministri Boris Johnson, i cili prezantoi dhe masat e rrepta.

Ai u shpreh se shkollat do jenë të mbyllura deri në mesin e shkurtit, kurse njerëzit do të dalin jashtë vetëm për nevoja esenciale.

Vendimi vjen pasi vendi regjistroi një rekord prej mbi 58 mijë rastesh të reja në 24 orë.

Virusi i ri përhapet më lehtë, duke shkaktuar frikë se do e bëjë vaksinën të paefektshme.

Kujtojmë se para pak ditësh, Johnson u bëri thirrje prindërve që të dërgojnë fëmijët në shkolla.

Por sonte ai tha se shkollat do jenë të mbyllura duke nisur nga nesër e të paktën deri në mes të shkurtit.

Studentët e universiteteve do të qëndrojnë në shtëpi dhe do studiojnë në distancë.

Palestrat, dyqanet joesenciale dhe shërbimet do jeë të mbyllura deri në një urdhër të dytë.

Kafenetë, baret dhe restorantet do jenë të hapura vetëm për të ofruar shërbim që merret me vete. Por masat e reja parashikojnë që të mos shërbehet alkool.