“Unë mora betejat më të vështira” Donald Trump mban fjalimin e lamtumirës në Shtëpinë e Bardhë

Presidenti në largim i SHBA Donald Trump, mbajti sot një fjalim lamtumire nga Shtëpia e Bardhë, në kuadër të ditës së tij të fundit në detyrë.

“Ne bëmë atë që kemi ardhur këtu për të bërë dhe shumë më tepër. Unë mora betejat e vështira, luftimet më të vështira, zgjedhjet më të vështira, sepse për këtë më zgjodhët të bëj”, tha ai.

Pas humbjes në zgjedhje përballë rivalit demokrat Joe Biden, Trump paralajmëroi se “rreziku i madh” qe tani përballet vendi është sipas tij “një humbje e besimit në madhështinë tonë kombëtare”.

Ai shtoi: “Unë jam veçanërisht krenar që jam presidenti i parë në dekada që nuk ka filluar asnjë luftë të re.”

Duke iu referuar trazirave në Kapitolin e SHBA në 6 Janar, ai tha: “Të gjithë Amerikanët u tmerruan nga sulmi ndaj Kapitolit … Nuk mund të tolerohet kurrë.”

Trump pranoi që një administratë e re do të merrte detyrën, por tha: “Unë dua që ju të dini se lëvizja që kemi nisëm, është vetëm në fillim”.