“Unë do ta bëj që sot” Rama flet më i bindur se kurrë: Do të vaksinohem i pari

Në konferencën që po mban aktualisht, kryeministri Edi Rama ka deklaruar se do ta bëjë vaksinën i pari.

Ai konfirmoi se do të vaksinohet njësoj si shumë kryeministra të tjerë në botë për të dhënë mesazhin se vaksina anti-C OVID19 është e sigurtë.

Rama gjithashtu zbuloi dhe orën kur do të nisë vaksinimi.

Në 15:00, në Air Albania, do të bëhet vaksinimi i qytetarëve të parë me Pfizer/BioNtech.

“Vaksinën do e bëj edhe unë për të dhënë një shembull, pasi vaksina është arma për këtë virus të padukshëm. Dhe për t’ju thënë të gjithëve që dokrrat me çipe dhe transformime të ilirëve në vikingë nuk janë të vërteta. Unë do e bëj për shembull, njësoj si shumë kolegë të mitë ndërsa anëtarët e kabinetit do të marrin kohën. S’mund të marrin vaksinën para të tjerëve, para nënës së vetë përshembull. Edhe unë s’duhet ta bëja, meqënëse ka një pjesë teori konspirative. S’do të doja ti zija radhës askujt. Do e bëj sot patjetër vetëm për këtë arsye! Vaksinimi nis sot në 15:00 në Air Albania”-tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern