“U fshi me sekonda” Rudina Hajdari flet për gafën që bëri bujë: Mediat patën keqdashje, mënyrë shumë e shëmtuar

Deputetja e opozitës së re Rudina Hajdari është përballur së fundmi me gafat e saj.

E ftuar në programin “Expuls” para syve asaj ju shfaqen lapsuset që ka bërë në rrjetet sociale, intervistat apo dhe daljet publike.

Ndërkohë për gabimin që bëri në “Twitter” ku iu drejtua mikut të saj si biseksual, Hajdari deklaroi:

‘Këtu ka media malinje, sepse në momentin që e vura në Twitter ishte në fragment sekondi. Po panë dicka turren të gjithë. në telefona ka autokorrekt, në momentin e parë ishte bisedë dhe e bëri në mënyrë automatike në atë fjalë. Nuk ka nevojë për llogjikë të madhe se ishte një gabim, u fshi në sekonda. Mediat e kanë bërë me keqdashësi. Kjo është një mënyrë shumë e shëmtuar.’

Ndërsa për ‘lapsusin’ ku ngatërron moshën ajo u shpreh:

‘Kjo për shembull është për të qeshur. Ka ca gjëra për të qeshur, jam mësuar të them politika 30 vjeçare dhe më është bërë goja 30 vite dhe kjo më bëri të harroj moshën time. Plus ne vajza jemi dhe e ulim moshën.– tha më tej ajo.

Ndërsa për gafën e bërë në Facebook, ku shkruan gabim fjalën Nisma, ajo u përgjigj:

‘Kjo nuk ka qënë gafë, por vdesin ta përdorin fjalën gafë. Nuk është gjë e madhe kjo. Dihet se nuk është sekret i madh kam ikur nga Shqipëria që e vogël’.