LIGJET E BIZNESIT
Sekretari i Përgjithshëm i PS Taulant Balla, ka bërë një deklaratë të fortë dy ditë më parë, e cila “iu ka shpëtuar” mediave.
Në emisionin “Absolut 4” të gazetares Merita Haklaj, Balla ka thënë se ka rënë dakord me Lulzim Bashën, që të çojnë për skrap LSI-në.
“LSI është në një proces shkërmoqje. Figura politike të tyre kanë kërkuar të afrohen në PS. Ajo që po ndodh është që me Lulzim Bashën kemi rënë dakord, ai në 2017, ne tani, që LSI-në ta çojmë për skrap. Për këtë po punojmë të gjithë së bashku”, u shpreh Balla.
Më tej, ai ka thënë se veç emrave të njohur të LSI-së që i janë bashkuar PS-së, ka dhë kryebashkiak të tjetër të kësaj force politike që duan t’i bashkohen socialistëve.
