LIGJET E BIZNESIT
Kryeministri Edi Rama në konferencën me gazetarët ka folur për përmbytjet si pasojë e reshjeve të dendura të shiut në vend.
Sipas tij situata është menaxhuar në mënyrë të suksesshme nga ana e qeverisë.
Kreu i qeverisë thekson se gjendja ka qenë më kritike në Shkodër dhe Vjosë, por pasojat që kanë mbetur janë të pakrahasueshme me të shkuarën.
“Kemi qenë të shqetësuar duke ndjekur parashikimet e motit, të Igjeum. Ministria e Bujqësisë sigurisht ka rolin e vetë, dhe prandaj ministrja është këtu me mua.
Bazuar në sasinë e reshjeve me të cilat ne jemi përballur këtë herë dhe bazuar në shifra krahasimore të sasive të reshjeve kritike në të shkuarën ne këtu sjellim pasqyrën e një situatë që lidhet me një punë të përditshme e përvitshme për këtë ditë që lidhet me investimet ne sektorin e kullimit, me reformën që ende vazhdon por që e ka dhënë rezultatin e parë të gjithë strukturës dhe varësisë së emergjencave civile si dhe ngritjen në një nivel të tjetër të funksionimit të shtetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Situata ka qenë kritike nga Shkodra në Vjosë dhe përballimi ka qënë për të marrë frymë të lehtësuar si dhe për të nxjerrë mësime për të parë se ç’mund të bëjmë më mirë.
Është e pakrahasueshme situata e përmbytjeve në të të shkuarën dhe sot, nuk krahasohen shifrat dhe faktet dhe kjo lidhet me punën tonë, se çfarë vjen nga lart nuk e kemi në dorë por se sa arrijmë ne poshtë ta lehtësojmë e kemi në dorë.
Çështja e kaskadës së Drinit lidhet me mungesën e Skavicës që do jetë realitet mandatin tjetër, do mbyllë frikën nga shkarkimi i hidrocentraleve. Por deri atëherë sfidën e menaxhimit e vazhdojmë”, deklaroi kryeministri.
