‘Si ndihesh që je vajza e një krimineli?´ Deputetja zihet keq me komentuesin: Nuk më intimidoni dot

Deputetja Reme Lala zgjedh të jetë shumë aktive, si në parlament ashtu dhe në rrjetet sociale.

Ajo ka zgjedhur që së fundmi të bëjë një bashkëbisedim me ndjekësit.

Për pasojë Lala ka marrë pyetje të shumta.

Një prej pyetjeve që vuri në vështirësi deputeten, ishte në lidhje me babain e saj, Imer Lala.

“Si ndihesh që je goca e një krimineli si Imer Lala” i ka shkruaj një ndjekëse. Ndërsa deputetja nuk ia ka kursyer përgjigjen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“U mendova shumë në fakt që ta postoj këtë apo jo duke qenë se vajza/djali me një profil fallco më drejtohet në këtë mënyrë vendosa dhe unë t’i kthej përgjigje, meqë ke shkruar disa herë. E dashur/ i dashur, nëse të ndihmosh njerëzit, t’i hapësh derën çdokujt që ka nevojë, të jesh aty për ta kur nuk është askush, të gjendesh në ditën më të vështirë të një të panjohuri, të falësh respekt, të bën të jesh kriminel, atëherë duhet ta rikonceptojmë kuptimin e fjalëve.

Për të gjithë ata që mendojnë se mund të më indimodojnë me thashetheme dhe të tilla fjalë, jo vetëm ti që e shkruan këtë, por kushdo që e mendon, më lejoni t’ju them se veçse më shtoni vlerësimin që kam për tim atë dhe njësoj i shtohet të gjithë atyre që e njohin. Ne jemi mësuar që koha t’i tregojë të vërtetat, ndaj koha do t’i tregojë dhe përgjigjet e pyetjeve apo komentet e këtij lloji, që për hir të së vërtetës unë kurrë nuk do t’ja bëja një vajze për babin e saj,” shkruan ajo.