LIGJET E BIZNESIT
Deputetja e opozitës së re Rudina Hajdari ka deklaruar se në zgjedhjet e 25 prillit do të kandidojë në Elbasan.
Gjatë seancës së sotme në Kuvend, ajo ka folur e revoltuar në lidhje me bandat kriminale që sipas saj veprojnë në këtë qytet.
Hajdari u shpreh se të gjithë banorët i dinë me detaje veprimtaritë kriminale të katër bandave, por institucionet përkatëse janë të verbër para këtij fenomeni.
“Nuk ka banor në Elbasan që nuk e di me detaje, për aktivitetet kriminale që ndodhin aty, të katër bandave. Si ka mundësi që Drejtori i Përgjithshëm i Policisë nuk di gjë. Si ka mundësi që ministri i Brendshëm nuk di gjë. Si ka mundësi që Kryeministri nuk di gjë. Si ka mundësi që kryeprokurori nuk thotë asgjë.
Si ka mundësi që kjo qeveri ti marrë qytetarët dhe ti vërë litarin në fyt, ti gjobisin pa mëshirë dhe kur nuk paguajnë energjinë elektrike. Ky shtet është i njëjti shtet që sot vret të rinjtë që kanë kaluar orarin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Si ka mundësi që i njëjti shtet u vendos gjoba atyre bizneseve që me zor po luftojnë me pandeminë.
Në Elbasan i vetmi aktivitet që ekziston është kriminaliteti.
Shkoni dhe flisni me tregtarët, do iu tregojnë se nuk kanë marrë asnjë lloj ndihme, vetëm janë goditur.
Banorët e Belshit ende sjanë paguar nga firmat mashtruese që u morën dhe produktin dhe ikën pa lanë asnjë gjurmë. Ata do u thonë se kriza është ulur këmbë kryq në sofrat e tyre, shkollat pa ngrohje. Kompjutera sfunksionojnë as laboratorët.
Dilni nga këto vila luksoze që keni dilni e takoni ata njerëz të cilët iu paguajnë taksat dhe ju sot përmes atyre taksave paguani kompanitë e ndranghetës mafies italiane. Godet qytetarët e thjeshtë njerëzit e thjeshtë, aktivitetet e ndershme. Krimineli merr tendera, kurse tregtari, fermeri goditet. Ky është i njëjti avaz, që vijon përditë. Por tani do të humbisni.”,- tha Hajdari.
