“Shkonim shumë mirë” I mori jetën kunatit në Tiranë, zbardhet dëshmia e autorit: Nuk mbaj mend asgjë

Ditën e sotme gjykata e Tiranës ka caktuar masën e sigurisë “arrest me burg” për Klajdi Shundin.

Ky i fundit qëlloi për vdekje kunatin e tij natën e ndërrimit të viteve.

Mbi Shundin rëndon akuza e vrasjes për shkak të rrethanave familjare.

Para gjykatës autori ka pretenduar se nuk mbante mend asgjë nga ngjarja dhe se me viktimën ka patur marrëdhënie shumë të mira.

Kujtojmë se viktima e konfliktit familjar në natën e ndërrimit të viteve ishte Vladimir Zvezhda, i cili u qëllua me thikë në qafë nga ana e Shundit. Gjithçka ka nisur pas një konflikti të çastit, debat që ka precipituar deri në ndërmarrjen e aktit të rëndë nga 34 vjeçari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dyshohet se akti është kryer në efektin e alkoolit.  Zvezhda e kishte ftuar në banesën e tij Shundin, të cilin e kishte vëllanë e bashkëshortes. Ngjarja ka ndodhur në lagjen “5 maji” në kryeqytet në orën 3:45 të mëngjesit të 1 janarit.