Rast i rrallë/ Njihuni me këtë të ri japonez, ja mënyra e tij speciale për të fituar mijëra euro

Në kohën që jetojmë njerëzit zgjedhin për të bërë profesione të ndryshme në mënyrë që t’ja dalin sa më mirë në jetë.

Mirëpo një rast i rrallë vjen së fundmi nga Japonia.

Shoji Morimoto është një i ri 37-vjeçar, i cili e fiton bukën e gojës duke dhënë veten me qira “për të mos bërë asgjë”.

Por ai paguhet rreth 70 euro për të ngrënë apo pirë me dikë që kërkon shoqëri dhe për ti dhënë atyre “përgjigje të shkurtra”.

Këtë ‘punë’ ai e ka nisur në qershor të vitit 2018, ku shkroi në Twitter: “Unë ofroj veten time me qira, si një person që nuk bën asgjë. E keni bezdi që të hyni vetëm në një dyqan? Ke nevojë për një lojtar në ekipin tuaj? Unë jam i gatshëm për çdo gjë të thjeshtë”.

Falë kësaj pune të thjeshtë, 37-vjeçari ka mijëra klientë. Fillimisht, shërbimet ai i ofronte falas, por tani ka nisur të marrë para për të shmangur njerëzit që i humbasin kohën kot dhe për të ulur numrin e kërkesave.

Zakonisht kërkesat i vijnë për të drekuar, për të pozuar për fotografi për Instagram apo shoqëruar dikë që bën kërkesë për divorc.

Një burrë e punësoi atë për të përshkruar një vrasje që kishte kryer, ndërsa një tjetër e pagoi Morimoton për ta ndihmuar të dilte nga spitali si dhe për ta çuar në vendin ku kishte tentuar vetëvrasjen. “Nuk jam mik i klientëve, thjesht iu lehtësoj ndjenjën e vetmisë”, thotë 37-vjeçari.