Përplasja për Spitalin e Fierit/ Rama u jep përgjigjen e prerë pronarëve të tokës: Doni apo nuk doni është vendosur

Ditën e sotme kryeministri Edi Rama ka zhvilluar një takim me banorët e fshatit Mbrostar të Fierit.

Në tokat e tyre parashikohet të ndërtohet Spitali Rajonal i qytetit.

Banorët shprehen se nuk janë kundër ngritjes së godinës, por duan një kompensim të drejtë.

“Erdhi dhe na tha: Doni apo nuk doni kjo është vendosur. Nuk e kthejmë dot mbrapsht. Ju mund ta ndiqni me gjykatë por kjo është e vendosur. U thamë që ajo tokë është e vetmja e ardhur që kemi. I thamë çmimin që ka toka por na tha nuk i vendos unë.”-shprehen banorët.

Ndërkohë një grup i pronarëve të tokës që kundërshtojnë shpronësimin, ndodhen pranë parcelave të tyre dhe pritet të ketë një takim edhe me kreun e qeverisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një ditë më parë banorët thanë se nuk do ta japin tokën për spital, por Kryeministri paralajmëroi se do të përdoret ligji i shpronësimit për interes publik.