Pandemia e virusit, Italia jep lajmin e mirë

Situata me pandeminë në Itali duket se po qetësohet, ndërsa vendi po hyn në të ashtuquajturën zonë e verdhë e përforcuar.

Të dhënat e reja të monitorimit mbi infeksionet COVID në shtetin fqinj nuk janë publikuar ende, por tashmë do të lehtësohen disa nga masat kufizuese.

Sipas “TGCOM”, pas dy ditëve, qytetarët italianë mund të lëvizin brenda rajoneve, por gjithmonë duke respektuar shtetrrethimin nga ora 22:00 deri në orën 05:00.

Ndërkohë do të rihapen deri në orën 18:00 baret dhe restorantet. Po ashtu edhe dyqanet mund të qëndrojnë të hapur deri në orën 20:00.