Pamje të rënda/ Aksident në autostradë, makina shpërthen në flakë, dyshohet për viktima (VIDEO)

Një aksident i rëndë automobilistik ka ndodhur pak momente më parë në autostradën Milot-Mamurras.

Mësohet se një automjet është përplasur me trafikndarësen fillimisht dhe më pas ka shpërthyer në flakë, rreth 2 kilometra larg mbikalimit të Laçit.

Në vendngjarje kanë mbërritur menjëherë forcat e zjarrfikëses të cilat kanë bërë të mundur shuarjen e flakëve.

Aksidenti ka sjellë dëme të shumta materiale dhe dyshohet për të plagosur dhe viktima.

Pritet reagimi zyrtar i policisë në lidhje me atë që ka ndodhur.