“O dajë, po zihen prindërit” Dalin detajet tronditëse, si e vrau Klajdi Shundi kunatin në Tiranë pas sherrit me të motrën

Vijojnë të dalin detaje të reja nga vrasja e 42-vjeçarit Vladimir Zvezhda nga kunati i tij në lagjen ‘5 maji’ në Tiranë.

Sipas informacioneve, autori 34-vjeçar Klajdi Shundi kishte ftuar motrën dhe kunatin me rastin e Vitit të Ri për të festuar blerjen e një apartamenti të ri.

Pasi kanë pirë dhe janë dehur, viktima ka nisur të konfliktohet me bashkëshorten e tij, e cila është njëkohësisht dhe motra e 34-vjeçarit.

Më pas Shundi i ka kërkuar Zhvezhdës që të grindej në shtëpinë e tij, por të shkonte dhe të sqarohej në banesën e tyre.

Pasi ka dalë nga banesa e Shundit poshtë pallatit, sherri ka vijuar midis dy bashkëshortëve dhe fëmijët e tyre lajmëruan dajën e tyre që të zbriste poshtë.

Pasi janë përplasur fizikisht, 34-vjeçari e ka goditur me thikë në qafë kunatin e tij duke i shkaktuar vdekjen.

Ditën e sotme gjykata dha masën e sigurisë “arrest me burg” për Klajdi Shundin i cili ka deklaruar se nuk mban mend se çfarë ka ndodhur pasi kaq qenë i dehur.