“Nuk e prisja” Moderatori e krahason me Angela Merkel, Spiropali befason me përgjigjen

Në një deklaratë të fundit, ministrja Elisa Spiropali ka deklaruar se në politikë frymëzohet nga gra të forta si Angela Merkel apo Margaret Thatcher.

E ftuar në programin “Expuls”, Spiropali u pyet nga moderatori Ronaldo Sharka ndër të tjera se në një botë paralele mund të ishte Angela Merkel në Gjermani.

“Nga Grida Duma tek zonja Merkel? Më erdhi papritur, nuk e prisja.  Merkeli është një legjendë në politikë. Siç ishte legjendë Margaret Thatcher. Ato janë përtej të qenurit gra në politikë, po t’i krahasosh me shumë lidera në botë? Pavareisht gjinisë, janë ndër më të mirat. Ne kemi këtë pjesën tonë këtu, dhe duhet të bëjmë politikë për këtë lloj vendi. Sigurisht unë kam frymëzimet e mia, nuk tentoj të kopjoj një model por frymëzohem nga ta”, u shpreh Spiropali ndër të tjera në Ora News.