LIGJET E BIZNESIT
Gazetarja e njohur Klodiana Lala ka deklaruar se femrat shqiptare janë shumë të forta.
Kjo sipas saj nuk vjen domosdoshmërisht nga puna që bëjnë, por me mënyrën si janë rritur pasi u është dashur të punojnë shumë herë më shumë sesa burrat.
“Në Shqipëri ka plot femra kurajoze të cilat në profesionet e tyre i kanë thënë të vërtetat, janë përpjekur të bëjnë më të mirën e mundshme, të japin gjithçka nga vetja dhe më vjen mirë nëse unë jam një prej tyre.
Sigurisht unë jam më e shfaqur, se jam gazetare kam hapësirën publike. Femrat shqiptare janë shumë të forta në përgjithësi dhe nuk ka të bëjë detyrimisht me profesionin po ka të bëjë edhe me mënyrën sesi janë rritur. Me faktin që u është dashur të punojnë shumë herë më shumë sesa burrat për të zënë një vend.
Mendoj që jemi në atë fazën që tashmë jemi realisht të gatshme edhe të barabarta me burrat dhe për këtë më vjen mirë”, u shpreh Lala për Fax News.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E pyetur sesa përqind e femrave janë kaq kurajoze dhe a duhet të kishte ndryshime në vendin tonë pasi gruaja i sjell ndryshimet në thelb, përgjigjja e gazetares Lala është kështu:- “Është pyetje shumë e vështirë, është nga ato pyetjet 1000 dollarshe, por unë mendoj realisht se kemi femra kurajoze, femra të cilat në një farë mënyre kanë ndryshuar historinë e këtij vendi. A do të duhet të bëhet më shumë për Shqipërinë?
Padiskutim, secila nga ne ka në dorë të bëjë shumë, duke nisur që nga vatra e familjes, duke nisur aty, që nga mënyra sesi i edukon fëmijët, sesi ka qasjen me partnerin apo me bashkëshortin, sesi ka qasjen në mënyrën sesi i bënë gjërat, sesi organizon një fest, më pas tek pjesa e dytë kolegë, bashkëpuntorë, njerëz me të cilat ndan gjëra me ta.
Unë mendoj që femra shqiptare në këto 30 vite ka bërë mjaftueshëm, pavarësisht se ne ndonjëherë e shikojmë dhe bardh e zi, femrat shqiptare dikur nuk denonconin, sot kanë kurajon të denoncojnë dhunën, femrat shqiptare janë trafikuar ndër vite dhe nuk kishin kurajon të arratiseshin dhe t’i tregonin të vërtetat e tyre, atë vërtet të dhimbshme, sot po e bëjnë. A ka mes tyre që ka abuzime? Padiskutim kanë fituar një lloj vetëvlerësimi, kanë filluar gradualisht të zënë vend në këtë shoqëri që ka qenë tërësisht maskiliste”.
