Kishte 6 muaj e pajetë/ Gjendet në banesë një grua në Tiranë, jetonte e vetme

Një tjetër ngjarje e rëndë raportohet të ketë ndodhur së fundmi në Tiranë.

Mësohet se një 73-vjeçare që jetonte e vetme në një banesë me qira, është gjetur e pajetë pas 6 muajve.

Ngjarja ka ndodhur në bulevardin “Gjergj Fishta” pranë një picerie, ku në bodrumin e pallatit që ishte përshtatur si banesë është gjetur pajetë shtetasja e identifikuar si Neriban Makri.

Nga veprimet e kryera rezultoi se kufoma ishte në gjendje tejet të dekompozuar dhe dyshohet se, ka ndërruar jetë para rreth 6 muaj, për shkaqe natyrale.

Gruaja nga Vlora, e pamartuar jetonte në një ambient me qira që ia paguante një shoqatë. Ishte qiradhënësja ajo që zbuloi trupin e të moshuarës dhe lajmëroi policinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern