Kërcet thika në Vlorë/ Përleshen dy persona, ja çfarë ndodhi pasi dolën nga lokali

Një plagosje me thikë ka ndodhur mbrëmjen e sotme në qytetin e Vlorës.

Mësohet se dy persona janë përleshur me njëri-tjetrin pas një konflikti, dhe për pasojë njëri prej tyre ka mbetur i plagosur.

Ky i fundit është dëmtuar lehtë në këmbë dhe ndodhet jashtë rrezikut për jetën.

Policia ka dhënë dhe njoftimin zyrtar për ngjarjen në fjalë.

“Më datë 23.01.2021, rreth orës 19:25, në vendin e quajtur “Shtëpia e oficerëve”, Vlorë, në një lokal, pas një konflikti të çastit, është goditur me mjet prerës (thikë), shtetasi A. B., 42 vjeç, i cili është dëmtuar lehtë në këmbë, jashtë rrezikut për jetën.

Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit, i cili menjeherë është larguar nga vendngjarja .

Grupi hetimor  po punon për zbardhjen e plotë të  rrethanave të ngjarjes.”, bëjnë me dije uniformat blu.