“Hiqni dorë nga dhuna” Donald Trump i ‘bindet’ Joe Biden, ultimatum protestuesve: Koha për të shkuar në shtëpi

Pak orë më parë kandidati demokrat në SHBA Joe Biden bëri thirrje që protestuesit të tërhiqen nga ndërtesa e Kongresit dhe që presidenti Donald Trump ti thërriste në mënyrë që ata ti jepnin fund kësaj situate.

Por duket se Trump i është bindur këtij urdhëri dhe ka reaguar menjëherë.

Me anë të një video-mesazhi, Trump i kërkoi qytetarëve dhe mbështetësve të tij që të heqin dorë nga dhuna dhe se është koha për të ikur në shtëpi.

‘E di që keni dhimbje, e di që jeni lënduar. Kishim zgjedhje që na u vodhën dhe të gjithë e dijnë, por ju duhet të shkoni në shtëpi tani. Duhet të kemi paqe, duhet të respektojmë ligjin. Nuk duam që asnjë të lëndohet. Është një kohë e vështirë që nuk ka qënë më përpara kështu. Ishin zgjedhje të manipuluara por nuk mund të pranojmë që të lëndohen njerëz. Duhet të kemi paqe, kështu që shkoni në shtëpi. Ne ju duam! Jeni shumë special E di se si ndiheni, por shkoni në shtëpi dhe shkoni në paqe,” deklaroi Trump ndër të tjera.