LIGJET E BIZNESIT
Vijojnë masat e reja shtrënguese nga shtetet përsa i përket situatës së pandemisë.
Mësohet se së fundmi Austria ka vendosur të zgjasë masën e izolimit deri më 7 shkurt.
Kjo ka ndodhur për shkak se autoritetet i tremben një rritjeje të rasteve për shkak të variantit të ri të virusit që është më ngjitës.
Ndërkohë kancelari austriak Sebastian Kurz ka thënë se mbajtja e distancës do të ndryshojë dhe do të bëhet dy metra, ndryshe nga një që ishte më parë.
Qytetarët po ashtu duhet të mbajnë maska mbrojtëse kur përdorin transportin publik dhe kur hyjnë në dyqane dhe nuk mund të përdorin më maska të bëra nga pëlhura.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Austria kishte vendosur masën e izolimit nga 26 dhjetori i vitit të kaluar dhe ishte paraparë që kjo masë të ishte në fuqi deri më 24 janar. Kurz tha se Austria duhet që ta ulë nivelin e infektimit në 50 raste të reja në 100,000 banorë, gjatë shtatë ditëve të ardhshme. Aktualisht, Austria ka 131 raste për 100,000 banorë.
Kancelari austriak po ashtu tha se rihapja e dyqaneve, e shkollave dhe shërbimeve të tjera, të tilla si sallonet e floktarisë do të ndodhë më 8 shkurt. Por, ai shtoi se rihapja e restoranteve dhe hoteleve nuk do të ndodhë gjatë muajit të ardhshëm. Sipas të dhënave të Universitetit Johns Hopkins, që prej fillimit të pandemisë, Austria ka regjistruar mbi 393,000 raste me koronavirus. Prej tyre, mbi 7,000 pacientë kanë vdekur.
