‘Do ia hedhim në shkurt’, Ja kush është shteti që ka kryer më shumë se 1 milionë doza vaksinimi Co vid-19

Izraeli duket se është shteti që i ka kushtuar vëmendjen më të madhe vaksinimit të popullatës ndaj Covid-19.

Sipas asaj që raportojnë mediat botërore, edhe pse kanë kaluar shumë pak ditë që nga prezantimi i vaksinave, Izraeli ka kryer më shumë se 1 milionë doza vaksinmi në popullatë.

Izraeli ka një normë prej 11.55 dozave të vaksinimit për 100 njerëz, ndjekur nga Bahreini në 3.49 dhe Mbretëria e Bashkuar në 1.47.

Për krahasim, Franca kishte vaksinuar 138 persona gjithsej deri më 30 dhjetor. Shifrat krahasuese për vaksinimin janë mbledhur nga “Our Ëorld in Data”, e cila është një bashkëpunim midis Oksfordit dhe një organizatë bamirësie arsimore me bazë në Mbretërinë e Bashkuar.

Ata matin numrin e njerëzve që kanë marrë dozën e parë të vaksinës së koronavirusit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shumica e vaksinave të aprovuara për përdorim deri më tani mbështeten në dy doza.

Ndërkohë bëhet e ditur se SHBA mbetën shumë larg nga synimi i saj për të vaksinuar 20 milionë njerëz deri në fund të vitit 2020, me vetëm 2.78 milionë që kishin marrë një të tillë deri më 30 dhjetor.

Izraeli filloi vaksinimet në 19 dhjetor dhe po jep vaksina për rreth 150,000 njerëz në ditë, me përparësi mbi të 60-at, punonjësit shëndetësorë dhe njerëzit që janë klinikisht të ndjeshëm.

Kryeministri Benjamin Netanyahu, i cili po bën fushatë për rizgjedhje, ka parashikuar që Izraeli mund të dalë nga pandemia që në shkurt.