“Cili është posti që do marrësh kur të fitosh zgjedhjet?” Ja si përgjigjet Monika Kryemadhi

Kryetarja e LSI Monika Kryemadhi është pyetur në lidhje me postin që do të marrë në rast se fiton zgjedhjet më 25 prill.

Ajo i ka befasuar të gjithë me përgjigjen që ka dhënë.

Prezantuesit Paloma dhe Salsano e kanë pyetur në “Top Albania Radio” nëse Kryemadhi do të marrë postin e zv.kryeministres.

Kryetarja e LSI e ka mohuar duke thënë se lumturia e saj më e madhe është të shohë 40 djem e vajza të partisë së saj në parlament.

Sipas saj, post më të madh se të jesh kryetare e LSI-së nuk ka.

“Po pse për atë po luftoj unë, të bëhem zv.kryeministre? Boll më Kryemadhi. Lumturia ime më e madhe është kur të shoh 40 vajza dhe djem në parlamentin shqiptar. Post më të madh se të jesh kryetare e LSI-së nuk ka”, tha Kryemadhi.