Çfarë ndodhi? Biznesmenit të njohur i bëjnë ‘copë’ xhamat e makinës, autorët i lënë mesazh

Mëngjesin e sotëm makina e një biznesmeni në Shkodër ka rënë pre e një sulmi.

Mësohet se bëhet fjalë për mjetin “Tiguan” në pronësi të shtetasit Nikolin Shqau.

Sipas informacioneve ai e kishte parkuar para derës së shtëpisë në momentin që është sulmuar nga disa persona të paidentifikuar.

Autorët kanë thyer xhamat e makinës me hekur dhe duke shkaktuar dëme të tjera.

Nikolin Shqau ka kuptuar se diçka kishte ndodhur kur dëgjoi sinjalin e makinës, kur doli jashtë ka parë makinën të thyer, teksa brenda saj ishte dhe një letër, që nuk ëshstë ende e qartë se çfarë shkruhej aty.

Janë të paqarta arsyet e kësaj ngjarje të ndodhur, Shqau ka thënë se i vetmi dyshim është tek një person i cili i ka kërkuar biznesmenit që ta marrë në punë tek bizneset e tij dhe ky i fundit ka refuzuar për një sërë arsyesh.

Policia e Shkodrës ka sekuestruar kamerat ku ndodhi ngjarja si dhe letrën që është gjetur në makinë, dhe po punohet përidentifikimin e autorëve.