Aksident i trefishtë që në mëngjes/ Plagosen dy persona, dërgohen me urgjencë në spital

Një aksident i trefishtë ka ndodhur sot në aksin Elbasan-Librazhd.

Mësohet se janë përfshirë tre makina të cilat janë përplasur me njëra-tjetrën, rreth orës 08:45 në Labinot Fushë.

Për pasojë kanë mbetur të plagosur dy persona, që u dërguan me urgjencë në spital.

Dyshohet se shkak i aksidentit është bërë parakalimi i gabuar.

Policia ka mbërritur në vendin e ngjarjes dhe po punon për zbardhjen e plotë të rrethanave të aksidentit.