LIGJET E BIZNESIT
Një aksident i rëndë ka ndodhur sot rreth orës 03:00 pas mesnate në aksin Lezhë-Milot, pranë kryqëzimit të Shëngjinit.
Mësohet se një automjet tip “Benz” ku udhëtonin dy persona ka dalë nga rruga dhe ka përfunduar në një biznes në anë të saj.
Për pasojë ka gjetur vdekjen e menjëhershme drejtuesi i mjetit Denis Dedegjonaj, 24 vjeç dhe ka mbetur i plagosur pasagjeri N.P.,i cili është transportuar në spitalin e Traumës.
Policia ka mbërritur në vendin e ngjarjes dhe kanë nisur hetimet për zbardhjen e plotë.
NJOFTIMI ZYRTAR I POLICISE
Lezhë/Informacion paraprak
Në orët e para të mëngjesit,në aksin rrugor Lezhë -Milot ,në Ishull Lezhë,drejtuesi i mjetit tip “Benz ” shtetasi D.D.,24 vjeç ,banues në Lezhë ka humbur kontrollin e mjetit duke dalë nga rruga.
Si pasojë e përplasjes ka gjetur vdekjen drejtuesi i mjetit shtetasi D.D. dhe ka marrë dëmtime pasagjeri shtetasi N.P.,i cili është transportuar në spitalin e Traumës, Tiranë.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
