LIGJET E BIZNESIT
Prokuroria e Tiranës ka zyrtarizuar akuzën për policin Nevaldo Hajdaraj, i cili qëlloi për vdekje të riun Klodian Rasha pak pas mesnatës së 8 dhjetorit.
Organi i akuzës ka vendosur “Vrasje me dashje” për efektivin, që tashmë rrezikon deri në 20 vite burgim.
Më parë akuza që rëndonte mbi Hajdarajn ishte ajo e “Tejkalimit të kushteve të vetëmbrojtjes” me anë të së cilës rrezikonte vetëm 7 vite heqje lirie.
Ndërkohë mësohet se Prokuroria ka siguruar dhe sekuestruar pamjet filmike të subjekteve përreth vendit të ngjarjes të cilat japin një tablo më të qartë të dinamikës së saj. Prokuroria bën me dije se efektivi Nevaldo Hajdaraj ka qëlluar nga një pozicion i shtrirë drejt Klodian Rashës, njësoj siç ka qenë dhe në dëshminë e efektivit.
Sipas organit të akuzës, Hajdaraj ka shënjestruar drejt trupit të viktimës ndërkohë që në dëshminë e tij tha se kishte shënjestruar këmbët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në filmimet që ka siguruar Prokuroria rezulton se polici e ka qëlluar 2 herë Rashën me armën e shërbimit teksa ky i fundit ishte duke u larguar me vrap në drejtim të rrugicës që të çon drejt banesës së tij.
