Vjen lajmi i madh për botën/ Britania miraton vaksinën anti-C.OVID19: Ja kur do jetë gati për tu aplikuar

Një lajm i mirë vjen për botën në kulmin e shpërthimit të pandemisë.

Mësohet se Britania e Madhe është shteti i parë që miraton vaksinën e “Pfizer e BioNTech” për përdorim të gjerë.

Sipas rregullatorit britanik MHRA vaksina e cila ofron mbrojtje deri në 95% kundër sëmundjes C.OVID19, është e sigurtë për tu aplikuar javën e ardhshme.

Vaksinimet mund të fillojnë brenda ditësh për njerëzit në grupe me përparësi të lartë.

Britania e Madhe tashmë ka porositur 40 milion doza.

Rreth 10 milion doza duhet të jenë në dispozicion së shpejti, me dozat e para që mbërrijnë në Mbretërinë e Bashkuar në ditët në vijim.

Sekretari i Shëndetësisë Matt Hancock njoftoi në Twitter se “NHS është gati të fillojë vaksinimin në fillim të javës tjetër”.