Eksperti i Shëndetit Publik, Erion Dasho, ka reaguar ndaj kryeministrit Rama i cili sot njoftoi në rrjetet sociale se ishte nisur drejt SHBA për të takuar vetë prodhuesit e vaksinës anti Covid.
Dasho thekson se vazhdon tallja me shëndetin dhe jetën e qytetarëve, pasi kontratat për sigurimin e vaksinës janë mbyllur në verë.
“Vazhdon tallja me shëndetin dhe jetën e qytetarëve!
Kë prodhues do të takojë, Z. Rama kur shtetet serioze i kanë mbyllur kontratat që në verë?!
Jam kurioz të shoh në se do të shkojë të takojë “sy më sy” përfaqësuesit e Moderna-s apo Pfizer-it, dy vaksinat e të cilëve sistemi logjistik shqiptar nuk ka asnjë shans t’i përpunojë!
Mbi të gjitha, ç’punë ka kryeministri të dalë të lypë vaksina nëpër botë?!”
