Mbretëresha e Britanisë së Madhe Elizabeth II ka marrë së fundmi një vendim të rëndësishëm.
Ajo do të bëjë vaksinën e kompanisë “Pfizer-BioNTech” kundër C.OVID19 javët e ardhshme.
Mbretëresha 94 vjeçare dhe burri i saj, Princi Philip, 99 vjeç, do të marrin dozën herët për shkak të moshës së tyre.
Mediat vendase bëjnë me dije se mbretërit më të vjetër të Britanisë do të vaksinohen në mënyrë që dhe qytetarët e tjerë të jenë të sigurtë për efikasitetin e saj.
Para katër ditësh Britania e Madhe u bë vendi i parë në botë që i ka dhënë dritën jeshile vaksinës Pfizer.
Të parët që do të vaksinohen do të jenë të moshuarit dhe kujdestarët e tyre si dhe personeli mjekësor.
Britania ka porositur paraprakisht 40 milion doza të vaksinës në total dhe do të marrë një sasi fillestar prej 800,000 për të filluar javën e ardhshme.
