“U merrnin para emigrantëve nga Lindja e Mesme për t’i çuar në Kukës”, vëllezërve nga Tirana iu ndodh gjëma

Tre shtetas, dy prej të cilëve vëllezër, janë arrestuar nga Policia e Tiranës pasi trafikonin emigrantë të paligjshëm nga Lindja e Mesmë, drejt kufirit Shqipëri-Greqi, e më pas drejt Kukësit e Tiranës.

Shërbimet e Policisë, organizuan dhe finalizuan operacionin e koduar “Brothers”, në kuadër të të cilit u bë arrestimi në flagrancë i shtetasve :

– F.M., 25 vjeç, F.M., 25 vjeç, (vëllezer), të dy banues në Tiranë dhe E.T., 29 vjeç, banues në Dibër.

Këta shtetas, në bashkëpunim me njëri-tjetrin, dyshohet se në kohë të ndryshme organizonin trafikimin e emigrantëve nga Lindja e Mesme, nëpërmjet kufiri Shqipëri-Greqi, në drejtim të Tiranës dhe më pas në drejtim të Kukësit, kundrejt përfitimit monetar.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufijve” e kryer në bashkëpunim.