LIGJET E BIZNESIT
Pas denoncimit të bërë në rrjetet sociale se një i mitur është keqtrajtuar në komisariat, ka ardhur dhe reagimi i Policisë së Durrësit.
Në njoftimin zyrtar thuhet se një 41 vjeçare nga Maminasi është paraqitur në ambientet e policisë për të bërë denoncim, ndërkohë që nuk është ndjerë mirë dhe është dërguar në spital.
Pas daljes nga urgjenca 41 vjeçarja ka bërë kallëzim për një 25 vjeçar dhe në përfundim të veprimeve nga Specialistët për Hetimin e Krimeve në Komisariatin e Policisë Shijak, janë referuar materialet proceduriale në Prokurorinë e Rrethit Gjyqësor Durrës, për veprën penale “Përdorim me keqdashje të thirrjeve telefonike”.
NJOFTIMI ZYRTAR I POLICISE
Sqarim i Policisë Durrës
Në lidhje me një lajm të publikuar në rrjetin social të shtetasit S. B., se një i mitur është keqtrajtuar në ambientet e Komisariatit të Policisë Durrës, ju sqarojmë se:
Më datë 12.12.2020, rreth orës 00:30, është paraqitur në ambientet e Policisë Durrës një shtetase 41 vjeçe, banuese në Maminas, për të bërë një denoncim.
Shtetësja në fjalë nuk është ndjerë mirë dhe nga ana e shërbimeve të Policisë është njoftuar ambulanca e Spitalit Rajonal Durrës të cilët e kanë marrë dhe i kanë dhënë ndihmën e nevojshme.
Pas daljes nga Urgjenca e Spitalit Rajonal Durrës, kjo shtetase ka bërë kallëllzim për një shtetas 25 vjeç, në përfundim të veprimeve nga Specialistët për Hetimin e Krimeve në Komisariatin e Policisë Shijak, janë referuar materialet proceduriale në Prokurorinë e Rrethit Gjyqësor Durrës, për veprën penale “Përdorim me keqdashje të thirrjeve telefonike”.
DVP Durrës fton qytetarët që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke u siguruar reagim të shpejtë e të paanshëm, kundrejt atyre që shkelin ligjin dhe cenojnë jetën e qytetarëve.
