LIGJET E BIZNESIT
Një tjetër lajm i hidhur vjen për artin shqiptar.
Mësohet se piktori Besim Tula është ndarë nga jeta sot, pasi ishte infektuar me C.OVID19.
Prej më shumë se 20 ditësh artisti 71-vjeçari ishte i shtruar në spitalin “Shefqet Ndroqi”, duke marrë mjekimin përkatës.
Sipas informacioneve së fundmi gjendja e tij shëndetësore është rënduar dhe bëhet me dije se ka ndërruar jetë sot.
Piktori Besim Tula ndër dekada me krijimtarinë e tij në pikturë ka sjellë për publikun vepra të ndryshme. Tablotë e tij në pikturë janë të njohura dhe të vlerësuar brenda dhe jashtë vendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Miq dhe të afërm të piktorit Tula kanë shprehur ngushëllimet për ndarjen e tij nga jeta, ndër ta dhe ish-këshilltari i kryeministrit të dikurshëm Sali Berisha, Ilir Kadia.
“Shpirti më është tulatur brenda zemrës! Nuk do të më flasë! Miku i tij më i mirë, Besim Tula, paska vdekur! Nuk do t’a besojë! I paska pushuar zemra e qeshur! I paska mbyllur përgjithmonë sytë e butë! I paska ngrirë dora që lëvrinte penelë! Besim Tula njerëzori! Miku që edhe kësaj kohe mizore të telefononte për të pyetur thjesht: Si jeni me shëndet? Si është nëna, mbesat, nipi, djemtë…? Vetë si je? Parmbrëmë më the se të kish marrë malli për një kafe Besim! Ku t’a dija unë se do ish kaq e hidhur kafja jote! Përzjerë me lot nga ikja jote o Njeri Shpirtbukur! O zemërmadhi Besim”, shkruan Kadia në rrjetet sociale.
