Terroristët i bëjnë pritë përpara punës, qëllohen për vdekje gazetarja dhe shoferi i saj

Një gazetare është qëlluar për vdekje nga një sulm terrorist në Afganistanin lindor, ku gjithashtu viktimë mbeti edhe shoferi i saj.

Malala Maiwand ishte rrugës duke shkuar në punë në Jalalabad mëngjesin sotëm, kur persona të armatosur hapën zjarr ndaj automjetit të saj, dhe për pasojë humbi jetë edhe shoferi i saj, Mohammad Tahir.

Sipas BBC asnjë organizatë nuk ka marrë përsipër sulmin e kryer të enjten e 10 dhjetorit.

Maiwand njihej gjithashtu si një aktiviste e shoqërisë civile. Ajo kishte folur më parë për sfidat e të qenit një gazetare femër në vend.