Si mund të kryhet testi i shpejtë? Rama nxjerr videon udhëzuese: Ja sa kohë pritet për përgjigjen

Kryeministri Edi Rama ka bërë të ditur se së shpejti do të hapen disa pika në qendra shëndetësore për testimin e shpejtë të personave të dyshuar si të prekur me C.OVID19.

Ai ka theksuar se këto qendra do të funksionojnë me rezervim pranë mjekut të familjes.

Kreu i qeverisë e shoqëron shpjegimin me një video ku shfaqet mjekja epidemiologe duke testuar një institucion i cili ka qenë vatër infeksioni, ku tregohet dhe mënyra se si procedohet me testimin e shpejtë.

Pasi merret mostra me anë të provëzave, hidhen rreth tre pika në testin e shpejtë dhe më pas pritet për rreth 30 minuta rezultati.

“Që prej mbrëmjes së 8 Marsit, epidemiologët po bëjnë një punë të jashtëzakonshme në terren për hetimin dhe testimin e qytetarëve të dyshuar për #covid19.

Siç u zotuam, testimi i shpejtë ka nisur në Tiranë nga ekipet e epidemiologëve të terrenit, duke rritur aksesin për qytetarët për testimin në kohë dhe të sigurt

Së shpejti, hapen disa pika në qendra shëndetësore për testimin me rezervim pranë mjekut të familjes”, shkruan Rama.