“Shmangni grumbullimet” Në prag të Krishtlindjeve dhe Vitit të Ri, Eugena Tomini jep këshillat e rëndësishme

Gjatë komunikimit të sotëm Komiteti i Ekspertëve iu përgjigj dhe interesimit të gazetarëve në lidhje me situatën e pandemisë në vend.

Shefja e Epidemiologjisë në Institutin e Shëndetit Publik Eugena Tomini, u shpreh se nuk ka asnjë arsye për mbylljen e çerdheve apo kopshteve, pasi kjo kategori nuk përbën rrezik.

Gjithashtu ajo këshillloi që të evitohen të gjitha grumbullimet për festat e fundvitit, duke qënë se jemi në prag të tyre.

“Sa i përket çerdheve dhe kopshteve, nuk kemi evidentuar trend në rritje, në moshën 0 deri në 4 vjec incidenca është shumë e ulët. Nuk kemi evidentuar shpërthime masive në çerdhe apo kopshte. Grumbullimet masive dhe festat sigurisht që janë element që duhet të priovohen, të ndalohen. Tani e tutje është e mirë të festojmë në familjen e ngushtë”,- u shpreh Tomini.