Reshje shiu dhe dëbore/ Njihuni me parashikimin e motit për sot, ja sa do shkojnë temperaturat

Dita e sotme do të karakterizohet nga një mot kryesisht i vranët dhe me intervale të shkurtra me diell.

Në pjesën më të madhe të territorit të vendit do të ketë reshje shiu të herëpashershme me intensitet të ulët, dhe në veriperëndim e jugperëndim me intensitet deri mesatar.

Sipas asaj që raporton Shërbimi Meteorologjik Ushtarak, në lartësitë mbi 1300 metra në veri dhe veri-lindje priten reshje bore, në juglindje në lartësinë mbi 1600 metra.

Era nga kuadrati i jugut do fryjë me shpejtësi mesatare 1-8m/s, dhe hera-herës do të fitojë shpejtësi deri në 18-22m/s, kryesisht përgjatë vijës bregdetare. Valëzimi  i forcës 5-6 ballë.

Temperaturat parashikohen:

vendet malore 1°C deri në 9°C

vendet e ulëta 5°C deri në  17°C

vendet bregdetare 9°C deri në 17°C.