“Rama e ka mendjen ti bëjë ministra miqtë e tij”/ revoltohet Basha, reagon për propozimin e Ministrit të ri të Brendshëm

Kreu i PD, Lulzim Basha ka reaguar për ndryshimet në kabinetin qeveritar pas dorëheqjes së Sandër Lleshaj nga posti i ministrit të Brendshëm. Në një shkrim në Twitter, Basha thotë se Rama ka mendjen të bëjë ministra miqtë dhe të afërmit e tij, duke iu referuar propozimit që Bledi Çuçi të emërohet në vendin e Lleshajt dhe Milva Ekonomi të marrë postin e ministres së Bujqësisë.

Lulzim Basha: Familjet shqiptare vuajnë krizën e rëndë ekonomike dhe shëndetësore, Rama e ka mendjen ti bëjë ministra miqtë dhe të afërmit e tij. Policia përdor dhunë ndaj të rinjve, Rama paguan charter dhe bileta klasi të parë për shopping në dyqanet luksoze në New York. Shqipëria ka nevojë për një qeveri që kujdeset për njerëzit dhe jo për veten e saj. Durimit i ka ardhur fundi! Është koha për ndryshim.