Po bënin xhiro në autostradë/ Policia kap në flagrancë çiftin e të rinjve, ja çfarë iu gjejnë gjatë kontrollit (EMRAT)

Policia e kryeqytetit dhe Forcat Shqiponja kanë ndaluar sot një çift të rinjsh nga Elbasani në autostradën Tiranë-Durrës.

Bëhet fjalë për Ermal dhe Nertila Roçin, përkatësisht 36 dhe 27 vjeç, të cilëve u është gjetur drogë dhe municion luftarak pas kontrollit.

Sipas njoftimit zyrtar të uniformave blu, shërbimet e policisë kanë marrë informacion në rrugë operative se dy shtetas (burrë e grua), qarkullonin në orët e pasdites, në autostradën Tiranë-Durrës, duke mbajtur me vete sende të kundërligjshme dhe lëndë narkotike.

Bazuar në këto informacione është organizuar, zhvilluar dhe finalizuar operacioni policor i koduar “Autostrada”, si rezultat i të cilit u bë e mundur kapja dhe arrestimi në flagrancë i shtetasve:

– E. R., 36 vjeç  dhe N. R.(P)., 27 vjeçe, banues në Elbasan.

Gjatë operacionit, nga kontrolli në mjet u gjetën dhe u sekuestruan një sasi municion luftarak dhe një sasi lëndë narkotike e dyshuar kokainë.

Ndërsa në bashkëpunim me Drejtorinë Vendore të Policisë Elbasan, gjatë kontrollit në banesën e këtyre  shtetasve u gjetën dhe u sekuestruan në cilësinë e provës materiale 2 armë zjarri pushkë, dy dokumente të dyshuara të falsifikuara dhe një sasi lënde narkotike kanabis.

Materialet iu referuan Prokurorisë së Rrethit Gjyqësor Tiranë, për hetime të mëtejshme.