“Përulem me respekt para tyre” Rama e nis ditën me urimin special për emigrantët: I dhanë vendit gjithçka kishin

Në ditën e Diasporës, kryeministri Edi Rama ka përcjellë një mesazh falenderues për të gjithë shqiptarët që jetojnë jashtë atdheut.

Kreu i qeverisë iu shpreh mirënjohjen bashkëkombasve që nga jashtë Shqipërisë i dhanë vendit tonë gjithçka kishin.

Rama nuk harron as ata që e ngritën lart emrin shqiptar në skenën e botës dhe njerëzit e zakonshëm, teksa publikon një video ku shfaqen që nga Rilindasit, tek Nënë Tereza e deri tek personazhet që i dhanë emër Shqipërisë në kohët moderne.

POSTIMI I PLOTE I KRYEMINISTRIT EDI RAMA

Në këtë DITË TË DIASPORËS u uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotike të atyre që nga jashtë Shqipërisë, i dhanë vendit tonë gjithçka kishin, si edhe përpara punës së admirueshme të atyre, që e ngrenë lart emrin shqiptar në skenën e madhe të botës, pa harruar kurrësesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion dhe ndihmojnë familjarët e tyre në Shqipëri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern