Njoftim i rëndësishëm/ Shtyhet sërish afati: Ja deri kur do qëndrojë mbyllur pika kufitare e Kapshticës

Vendimi eshte marre nga qeveria greke

Shtyhet sërish afati i bllokimit të pikës kufitare të Kapshticës.

Vendimi është marrë nga qeveria greke si masë parandaluese për përhapjen e pandemisë.

Mësohet se kjo pikë do të qëndrojë e mbyllur deri më datë 14 dhjetor.

Lajmi është bërë i ditur nga Drejtoria Vendore e Kufirit dhe Migracionit Korçë.

Në njoftim thuhet se deri më datë 14 dhjetor nuk do të lejohet lëvizja e këmbësorëve dhe e mjeteve (vetura, autobusa dhe kamiona) si në hyrje dhe në dalje të Greqisë.

Stacioni i Policisë Kufitare Kapshticë:

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar shtyrjen e afatit të bllokimit të Pikës së Kalimit Kufitar Kapshticë, deri në datën 14.12.2020.

Sqarojmë se deri në këtë datë, nuk do të lejohet lëvizja e këmbësorëve dhe e mjeteve (vetura, autobusa dhe kamiona) si në hyrje dhe në dalje të Greqisë.