“Një vit burg për ata që keqpërdorin fotomontazhet” Ministrja e Drejtësisë më e ashpër se kurrë, i shpall ‘luftë’ MEME-ve

Ditën e djeshme ministrja e Drejtësisë Etilda Gjonaj ka depozituar pranë Komisioneve Parlamentare përkatëse draftin për Kodin e Ri Penal.

Përpos rregullimeve në lidhje me krimet, përdorimin e drogës, prostitucionin etj, parashikohet dhe dënim me burg për personat që kryejnë fotomontazh në internet me qëllim përfitimin duke cënuar imazhin e personave të tjerë.

Këto montazhe, apo siç quhen në zhargon MEME, në rast kur keqpërdoren nga personi që i bën, për qëllime përfitimi, kur do të dëmtojë reputacionin e personit që i bëhet MEME, apo dhe kur nuk përmendet shprehimisht se montazhi është i tillë, konsiderohet si kundravajtje penale dhe dënohet deri në 1 vit burg.

Çfarë parashikon saktësisht Neni 238 i Kodit të ri Penal, Seksioni VIII “Veprat penale kundër të drejtave të njeriut, dinjitetit njerëzor dhe lirive themelore”:

-Cënimi i imazhit të personit

1. Publikimi në cdo formë, mënyrë apo mjet i një montazhi të realizuar me fjalët ose imazhin enjë personi pa pëlqimin e tij, nëse kryhet për qëllime përfitimi material ose jo material, apo kur ka qëllim të dëmtojë reputacionin e një personi, kur materiali nuk shfaqet dukshëm që është njëmontazh ose nëse nuk përmendet shprehimisht se eshtë i tillë, përbën kundrvajtje penale dhedënohet me burgim deri në 1 vit.
2. Ndjekja penale fillon me ankim të viktimës ose përfaqësuesit ligjor të saj dhe pushon me tërheqjen prej saj.