LIGJET E BIZNESIT
Mbrëmjen e djeshme ministrja e Arsimit Evis Kushi ka folur për vendimin e ri të qeverisë që është vënë në zbatim për mësimin online me kohë të pjesshme.
Fillimisht nxënësit nga klasa e parë në të pestë do të zhvillojnë mësim fizik, por skenari i dytë mund të sjellë një mësim online të alternuar dhe klasa.
Në lidhje me këtë, prindërit janë tepër të shqetësuar pasi nuk kanë me kë të lënë fëmijët vetëm në shtëpi pasi nuk janë të ardhurat për të qëndruar njëri prind pranë tyre apo që të punësojnë dikë për të mos lënë fëmijën vetëm.
Në një intervistë për “Opinion”, Kushi i la pa përgjigje duke treguar se numri i nxënësve në klasa është i limituar për të shmangur shpërthimin e rasteve me C.ovid.
“Ne kemi lënë fleksibilitet që prindi ta vendosë vetë. Pra nëse duan dhe janë të shqetësuar për situatën e pandemisë, fëmija mund të bashkohet me grupin që bën mësimin online. Ne kemi menduar që klasat të ndahen në dy grupe dhe të mos tejkalohet numri”, tha Kushi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për këtë nisi një debat me ish deputeten e LSI-së, Floida Kërpaçin, e cila i tregoi se në një gjimnaz të Tiranës qëndrojnë 20 nxënës të grumbulluar.
Pjesë nga debati
Kërpaçi: Tek Ismail ka mbi 20 veta grumbull.
Kushi: Mbi 20 veta nuk ka asnjë rast.
Kërpaçi: Mund t’jua jap dhe me emër mbiemër e klasën.
Kushi: Nuk do ma japësh për unë jua siguroj se asnjë klasë nuk ka më shumë se 20 veta. Numri i nxënësve në klasa është maksimumi deri në 19.
Kërpaçi: Nëse nuk lejohen grumbullimet mbi 10 veta, si e lejoni me 19 veta në një gjimnaz?
Kushi: Që nga dita e parë e detyrës time, kam qenë në terren cdo ditë për të parë situatën.
Fevziu: Muhabet koti.
