“Më thërriste dhe më ndihmonte” Gazetari i njohur kujton me dhimbje mjekun që humbi jetën nga virusi

Një nga humbjet më të mëdha në rradhën e bluzave të bardha për shkak të pandemisë, është dhe ndarja nga jeta e mjekut të njohur Bledi Nini.

Ai mbylli sytë përgjithmonë më 25 nëntor, në moshën 48-vjeçare.

Doktor Nini njihej gjerësisht dhe si mjeku i gazetarëve.

Kjo ndodhte pasi ai ishte gjithnjë i gatshëm ti ndihmonte në komunikimin me ta.

Së fundmi gazetari i njohur Dritan Laci ishte i ftuar në programin “Shqipëria Live”.

Ai rrëfeu se kishte një marrëdhënie shumë të mirë me mjekun Nini.

“Ai më ndihmonte me lajmet, më thërriste e më thoshte hajde hajde se kam diçka. Për herë të parë që kam komunikuar me të kam qenë në gazetën Korrieri”, tha Laci.

Dr. Bledi ishte vetëm 48 vjeç, pa sëmundje të tjera shoqëruese dhe nuk ia doli duke lënë një boshllëk të madh.

I diplomuar në otorinolaringologji pranë universitetit të Tiranës, Bledi Nini ka punuar për 20 vite pranë shërbimit të ORL në QSUT. Prej pak kohësh ishte shkëputur dhe së fundmi shërbente në një klinikë private në Tiranë.