Masat e marra për pandeminë/ Silva Bino jep lajmin e mirë në mbledhjen e Komitetit të Ekspertëve

Në mbledhjen e sotme të Komitetit të Ekspertëve shefja e departamentit të sëmundjeve infektive pranë ISHP Silva Bino, ka dhënë një lajm të mirë.

Sipas saj kemi një tendencë në rënie të rasteve të reja me C OVID19.

Bino theksoi ndër të tjera se krahas testimeve që janë katërfishuar po merret në konsideratë dhe gjurmimi nëpërmjet aplikacioneve në telefon.

“Eksperienca dhe diskutimi me kolegët turk ishte shumë i mirë. Ne diskutuam me ata masat e para që ndërmorrëm, si bllokimi i përgjithshëm dhe testimi i rasteve të kontaktit. Kjo ishte një eksperiencë e ndarë me kolegët turk të cilët kishin bërë po të njëjtën gjë. Gjithashtu ne diskutuam dhe masat e pjesshme, të cilat bëjnë të mundur izolimin e virusit dhe vazhdimin e jetës për pjesën tjetër të popullatës. Ky diskutim ishte shumë i vlefshëm për të bërë të mundur shkëmbimin e eksperiencave.

Ne diskutuam edhe masat që janë marrë, si psh. mënyrat si do të funksioniojnë restorantet dhe shkollat, ku dhe ne këtu kemi shumë masa të ngjashme me kolegët turk.

🎙️ Podcast “Money Hour” | Fast News Economy

Ne vijojmë monitorojmë situatën dhe kemi tendencë në ulje jo vetëm të rasteve por edhe të pozitivitetit. Kohët e fundit kemi katërfishuar testimet. Pra diçka që këtë kohë e kemi superuar.

Futja e testit të shpejtë lehtëson jo vetëm kohën e marrjes së diagnozës por përshpejton dhe identifikimin. Me kolegët turk kemi ndarë eksperiencën e gjurmimit të kontakte e nëpërmjet aplikacioneve me telefon.

Ne do të vazhdojmë të bashkëpunojmë me kolegët turk në lidhje me masat e përgjithshme të shëndetit publik”, deklaroi Bino ndër të tjera.