“Lamtumirë i shtrenjti ynë” Meta i pikëlluar për ndarjen nga jeta të ish-deputetit socialist: Sa shumë dhimbje

Pas lajmit për ndarjen nga jeta të ish-deputetit socialist Marko Bello, ka ardhur dhe reagimi i Presidentit Ilir Meta.

Ky i fundit i shpreh ngushëllimet familjes, duke u shprehur se iku para kohe një mik, bashkëpunëtor, koleg dhe qytetar model.

“Sa shumë dhimbje nga kjo ikje e parakohëshme e një miku, bashkëpunëtori, kolegu, intelektuali aktiv, qytetari model e familjari shembullor! Zoti ju dhëntë forcë Silvanës, fëmijëve e të afërmve për këtë humbje kaq të madhe, që na tronditi të gjithëve këtë mëngjes!  Ngushëllimet më të ndjera!  Përherë i paharruar në kujtimet tona! LAMTUMIRË I SHTRENJTI YNË MARKO BELLO!”- shkruan Meta.

Kujtojmë se Marko Bello humbi jetën në moshën 59-vjeçare në Turqi, pasi ishte dërguar në këtë shtet për kurim nga C.OVID19.

Ditët e fundit gjendja e tij u përkeqësua dhe nuk mundi ta fitojë betejën me virusin e rrezikshëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern