I mori jetën për dritat e makinës/ Ky është i riu që dyshohet se vrau efektivin Xhulio Prela, ja si nisi sherri

Personi që shikoni në foto është 26-vjeçari Nikoll Sherrniku.

Ky i fundit është arrestuar nga policia si autor i dyshuar i vrasjes së efektivit të FNSH Xhulio Prela në aksin Lezhë-Milot, orët e para të mëngjesit të datës 5 dhjetor.

Konflikti mes Prelës dhe dy autorëve dyshohet se ka nisur pas një sherri të momentit.

Sipas informacioneve dy palët kanë nisur të përplasen për dritat e makinës së njërës prej tyre që rrezatonin mbi ta.

Kujtojmë se ngjarja tronditëse ndodhi në orët e para të mëngjesit të 5 dhjetorit.

Xhulio Prela, 26 vjeç, me detyrë efektiv i Policisë së Shtetit pranë repartit të Forcave të Ndërhyrjes së Shpejtë në Shkodër, u vra pas mesnate në Lezhë, në zonën e njohur si “Gajush”.

Sipas familjarëve të tij, i riu ka pasur konflikte për shkak të detyrës, ndërkohë që nuk përjashtohen as pista të tjera. Së fundmi është mësuar se i riu kishte marrë borxh, një pistë kjo që është hetuar por është rrëzuar nga grupi hetimor.