“Herë majtas e herë djathtas” Mentor Kikia nxjerr foton dhe bën deklaratën e fortë: Në të njëjtin shtrat duke lënguar

Gazetari Mentor Kikia ka analizuar situatën politike në Shqipëri.

Ai shkruan se prej vitesh, herë majtas e herë djathtas dhe përseri jemi në të njëjtin shtrat duke lënguar.

“Herë majtas e herë djathtas, në të njëjtin shtrat duke lënguar…

Dhe kështu, herë majtas e herë djathtas, në pritje se do të bëhesh më mirë, derisa vdekja vjen e thotë “hajde dalim një xhiro” ktej mbrapa….

Në 1990 isha student. Pa ndonjë heroizëm të madh, isha një ndër ata që bërtisni e protestonin kundër diktaturës.

Por shpresoja, shpresoja shumë!

Pasi doli huq qeveria e parë, thashë: Ja do vijë e dyta.

Edhe ajo s’na doli gjë, por e treta do t’ia qëllojë – mendova. Por as e treta, e as e katërta…

Dhe kështu, herë majtas e herë djathtas, në të njëjtin shtrat, nën të njëjtët çarçafë, herë me ilaçe e herë pa ilaçe, unë vajta 50. Shpresën time e mori vdekja “për një xhiro”, ndërsa unë bëj si optimist, për tu mbajtur gjallë shpresën fëmijëve.

Por ata duket se nuk janë aq budallenj sa unë.”, thekson Kikia duke shpërndarë foton.