LIGJET E BIZNESIT
Pas zgjedhjes së Altin Binajt si anëtar i pestë i Gjykatës Kushtetuese, ka ardhur dhe reagimi i prezencës së OSBE në Shqipëri.
Ky institucion thekson se me zgjedhjen e Binajt është hedhur një hap i rëndësishëm përpara dhe i shumëpritur.
Kujtojmë se, dje Kuvendi ka votuar emrin e Altin Binajt si anëtar i Gjykatës Kushtetuese. Tanimë radhën sipas ligjit e ka Meta.
“Prezenca e OSBE-së me kënaqësi vëren se është hedhur një hap i rëndësishëm e i shumëpritur drejt një Gjykate Kushtetuese plotësisht funksionale.
Pas zgjedhjes së një gjyqtari tjetër nga Kuvendi, mbetemi në pritje të emërimeve pasuese, me qëllim që Gjykata të jetë në funksion të plotë si një institucion thelbësor për mbrojtjen e shtetit të së drejtës dhe të drejtave themelore të qytetarëve shqiptarë.
Përmes mbështetjes së përkushtuar, Prezenca është e gatshme të vazhdojë ta ndihmojë Gjykatën Kushtetuese për rritjen e efektivitetit dhe transparencës”, thuhet në reagimin e Prezencës së OSBE në Tiranë.
