Habit Laert Vasili: Po të isha në Itali do më kishin bërë ministër Kulture, grekët dhe shqiptarët janë një popull

Aktori Laert Vasili mbrëmjen e sotme ka bërë një deklaratë jo të zakonshme, ku është shprehur se nëse do të kishte qenë në Itali, do ta kishin bërë ministër Kulture.

Ndërkohë ai tha edhe se shqiptarët dhe grekët janë një popull, pasi 50% e grekëve janë arvanitas.

“Nuk kam lidhje me administratën. Kam qëndruar 20 vite në Athinë. Kam bërë 127 shfaqje të shitura në Athinë, që Teatri kombëtar nuk i ka parë në ëndërr. Mëkati im i madh për politikën është se në festivale kam përfaqësuar Greqinë.

Kam qenë në Greqi, se po të isha në Itali do të isha edhe ministër Kulture, por kam qenë në Greqi, te ata ma skarenjtë që nuk i do politika shqiptare, edhe pse 50% e tyre janë arvanitas. Grek dhe shqiptarë nuk ka, janë një popull”, tha Vasili në RTV Ora.